Plantun de Prouvènço

Pèr coumpara dos planto d'encò nostre

Lythrum salicaria & Lunularia cruciata

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Epatico-crousado

Lunularia cruciata

Lunulariaceae

Nom en français : Hépatique croisette.

Descripcioun :
Es uno epatico pulèu forto que trachis en coulounìo sus lou sòu, souvènt proche d'aigo. Se recounèis eisadamen emé si garbello à proupagulo que dounon d'èr à de mita de luno (Lunaria). Li poro à èr se vèson bèn sus lou dessubre di tale.

Usanço :
I'a pas trop pèr s'engana. Coumpara emé l'epatico-di-capèu-pounchu Conocephalum conicum que fai pas jamai de garbello à proupagulo.

Port : Tale coumplèisse
Taio : 1 à 2 cm
Fueio : ges
Tipe bioulougico :
Cicle bioulougico : Planto renadivo

Gènre : Lunularia
Famiho : Lunulariaceae

Ordre : Marchantiales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca
Autour basso e auto : 50 à 1600 m
Aparado : Noun

Liò : Sòu - Sòu proche d'aigo
Estànci : Mesoumediterran à Mountagnard
Couroulougi : Oulartico
Ref. sc. : Lunularia cruciata (L.) Dumort. ex Lindb., 1868

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Lythrum salicaria & Lunularia cruciata

CCC

Coumpara Tè-di-paure emé uno autro planto

Coumpara Epatico-crousado emé uno autro planto